ᒍᕌᒻ ᔅᑎᐅᓪ ᓄᓇᕗᒻᒥ ᑐᓴᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᐃᓂᐊᓄᑦ ᑎᒃᑯᐊᖅᑕᐅᓚᐅᖅᓯᒪᔪᖅ ᔭᓄᐊᕆ 2021-ᒥ.
ᒍᕌᒻ ᐃᓕᓐᓂᐊᓚᐅᖅᑐᖅ ᒫᓂᑑᐸᐅᑉ ᓯᓚᑦᑐᖅᓴᕐᕕᖓᓂ, ᐊᒃᓯᕗᐊᑦ ᓯᓚᑦᑐᖅᓴᕐᕕᐊᓂ ᐊᒻᒪ ᑖᓪᕼᐊᐅᓯᒥ. ᒪᓕᒐᕐᓂᐊᖅᑎᐅᓚᐅᖅᑐᖅ ᓇᖕᒥᓂᕆᓪᓗᓂᐅᒃ ᑎᑎᕋᕐᕕᐊ, ᑭᖑᓂᐊᒍᑦ ᒐᕙᒪᒃᑯᓐᓃᓚᐅᖅᖢᓂ, ᓅᕙ ᓯᑰᓯᐊ ᒪᓕᒐᓕᐅᕐᕕᐊᓄᑦ ᓂᕈᐊᖅᑕᐅᓚᐅᓐᖏᓐᓂᕐᒥᓂ 2001−ᒥ. ᑎᓴᒪᐃᖅᓱᖅᖢᓂ ᓂᕈᐊᖅᑕᐅᓚᐅᖅᑐᖅ ᐊᒻᒪ 12−ᓄᑦ ᐊᕐᕌᒍᓄᑦ, ᐃᓚᓕᐅᓪᓗᒍ ᑎᓴᒪᑦ ᐊᕐᕌᒍᑦ ᒥᓂᔅᑕᐅᓪᓗᓂ. ᒐᕙᒪᓕᕆᓂᕐᒥᒃ ᕿᒪᐃᒐᒥ, ᐱᓯᓂᓯᓕᕆᓂᕐᒧᑦ ᒪᓕᒐᕐᓂᐊᕐᓂᕐᒥᒃ ᐃᓕᓴᐃᔨᐅᓕᓚᐅᖅᑐᖅ.
ᒍᕌᒻ ᒪᓕᒐᕐᓂᐊᕐᓂᐅᑉ ᒥᒃᓵᓅᖓᔪᓂᒃ ᐊᒥᓱᕐᔪᐊᓂᒃ ᑎᑎᕋᖅᓯᒪᔪᖅ, ᐱᖓᓱᓂᒡᓗ ᐅᖃᓕᒫᒐᓕᐅᖅᓯᒪᓪᓗᓂ ᒐᕙᒪᓕᕆᔪᓂᒃ ᐊᒻᒪ ᖃᓄᖅ ᐱᕙᓪᓕᐊᔾᔪᓯᖃᕐᒪᖔᖏᑦ. ᐃᖅᑲᓇᐃᔭᕐᓂᓕᒫᒥᓂ, ᒍᕌᒻ ᑲᒪᒋᔭᖃᐃᓐᓇᖅᑐᖅ ᐊᑐᐃᓐᓇᖃᕐᓂᕐᒥᒃ ᐃᒻᒥᒨᖓᔪᓂᒡᓗ ᐱᔾᔪᑎᓕᖕᓂᒃ ᐊᒻᒪ ᓇᐅᒃᑯᑐᐃᓐᓇᖅ ᖃᓄᖅ ᐱᐅᓯᖃᕐᒪᖔᖏᓐᓂᒃ ᐃᓕᓯᒪᓪᓗᓂ. ᒐᕙᒪᒃᑯᓐᓂ ᐊᑐᐃᓐᓇᖃᕐᓂᕐᒨᖓᔪᓂᒃ ᐊᐅᓚᑦᓯᔨᐅᓯᒪᔪᖅ, ᑭᖑᓂᐊᒍᑦ ᐊᑕᐅᓯᐊᕐᓇᓂ ᑐᒃᓯᕋᐅᓯᐅᖃᑦᑕᖅᓯᒪᓕᕆᓪᓗᓂ. ᐊᑐᐃᓐᓇᖃᕐᓂᕐᒧᑦ ᑐᕌᖓᔪᓂᒃ ᐊᐃᕙᐅᑎᖃᖃᑦᑕᖅᓯᒪᔪᑦ ᐃᖅᑲᖅᑐᐃᕕᐅᑉ ᐃᓗᐊᓂ. ᒥᓂᔅᑕᐅᓕᕋᒥ, ᑲᒪᒋᔭᖅᑖᓚᐅᖅᑐᖅ ᐱᓕᕆᕕᐊᑕ ᐊᐅᓚᑦᓯᓂᖏᓐᓂᒃ ᐊᑐᐃᓐᓇᖃᕐᓂᕐᒧᑦ ᒪᓕᒐᖏᓐᓂᒃ. ᐊᔾᔨᒌᓐᖏᕈᓘᔭᖅᑐᓂᒃ ᐃᖅᑲᓇᐃᔮᖃᖃᑦᑕᕐᓂᖓᓄᑦ ᐱᓕᒻᒪᒃᓯᒪᑦᑎᐊᕐᓂᕐᒥᓄᓪᓗ ᑐᑭᓯᐅᒪᑦᑎᐊᖅᑐᑦ ᑕᒪᒃᑯᓂᖓ ᑲᒪᒋᔭᕆᐊᖃᖅᑕᒥᓂᒃ ᓇᐅᒃᑯᑐᐃᓐᓇᖅ ᐊᒻᒪ ᑭᓇᑐᐃᓐᓇᕐᒥᒃ ᐃᖅᑲᓇᐃᔭᖃᑎᖃᕈᓐᓇᖅᖢᓂ ᐱᐅᓂᖅᐹᒥᒃ ᐋᖅᑭᒃᑐᖃᕐᓂᐊᕐᒪᑦ.
ᖃᓄᐃᓕᐅᕐᓂᓕᒫᕗᑦ, ᐱᔪᓐᓇᕐᓂᖅᑖᕆᓯᒪᔭᓕᒫᕗᑦ ᑐᓴᐅᒪᔾᔪᑎᓂᒃ ᐊᑐᐃᓐᓇᖃᕐᓂᕐᒧᑦ ᐃᒻᒥᒨᖓᔪᓪᓗ ᓴᐳᒻᒥᐅᓯᖅᑕᐅᓯᒪᓂᖏᑕ ᐱᖁᔭᕐᔪᐊᖓᓐᓂᓐᖔᖅᑐᓕᒫᑦ.
ᐱᖁᔭᕐᔪᐊᕐᓃᑉᐸᑕ, ᑲᔪᓯᑎᑦᑐᓐᓇᖅᑕᕗᑦ.
ᐱᖁᔭᕐᔪᐊᕐᓃᓐᖏᑉᐸᑕ, ᑲᔪᓯᑎᑦᑐᓐᓇᓐᖏᑕᕗᑦ.
ᑲᔪᓯᑎᑦᑐᓐᓇᖅᑕᕗᑦ:
-
ᐊᔪᐃᓐᓈᕈᑎᒋᔭᐃᑦ ᓈᓚᒍᓐᓇᖅᑕᕗᑦ, ᓄᓇᕗᑦ ᒐᕙᒪᒃᑯᓐᓄᑦ ᑐᒃᓯᕌᖃᕐᓂᕈᕕᑦ ᐊᑐᕐᓗᒍ ᑐᓴᐅᒪᔾᔪᑎᓂᒃ ᐊᑐᐃᓐᓇᖃᕐᓂᕐᒧᑦ ᐃᒻᒥᒨᖓᔪᓪᓗ ᑲᓐᖑᓇᖅᑑᑎᑕᐅᔭᕆᐊᖃᕐᓂᖏᓐᓄᑦ ᐱᖁᔭᕐᔪᐊᖅ ᐊᒻᒪ ᐃᓕᖕᓄᐊᖅᑕᐅᓚᐅᖅᑑᒐᓗᐊᑦ ᐱᐅᒋᓐᖏᓐᓂᕈᕕᒋᑦ.
-
ᐃᒻᒥᒨᖓᔪᑦ ᒪᓕᒐᖏᑦ ᓯᖁᒥᑕᐅᓇᓱᒋᓗᒋᑦ ᐅᖃᐱᓗᒃᑯᕕᑦ ᖃᐅᔨᓴᐃᔪᓐᓇᖅᑐᒍᑦ, ᓄᓇᕗᑦ ᒐᕙᒪᒃᑯᑦ ᑲᑎᖅᓱᐃᓇᓱᒋᓐᓂᕈᕕᒋᑦ, ᐊᑐᕐᓂᖅᐸᑕ, ᓴᖅᑭᑦᑎᓐᓂᖅᐸᑕᓘᓐᓃᑦ ᐃᓕᖕᓅᖓᔪᓂᒃ ᑐᓴᐅᒪᔾᔪᑎᓂᒃ ᐊᖏᖅᑕᐅᓯᒪᓐᖏᓪᓗᑎᒃ.
-
ᐊᑐᓕᖁᔭᓕᐅᕈᓐᓇᖅᑐᒍᑦ ᓄᓇᕗᑦ ᒐᕙᒪᒃᑯᓐᓄᑦ ᐊᑐᐃᓐᓇᖃᕐᓂᕐᒨᖓᔪᓂᒃ ᐃᒻᒥᒨᖓᔪᓂᒡᓘᓐᓃᑦ ᖃᓄᐃᑦᑐᑐᐃᓐᓇᕐᓂᒃ.
-
ᓇᓗᓇᐃᔭᐃᑦᑎᐊᕈᓐᓇᖅᑐᒍᑦ ᖃᓄᖅ ᐊᐅᓚᑕᐅᖃᑦᑕᕐᒪᖔᖓ ᑐᓴᐅᒪᔾᔪᑎᓂᒃ ᐊᑐᐃᓐᓇᖃᕐᓂᕐᒧᑦ ᐊᒻᒪ ᐃᒻᒥᒨᖓᔪᑦ ᑲᓐᖑᓇᖅᑑᑎᑕ: admin@atipp-nu.ca. ᐊᔪᐃᓐᓈᕈᑏᑦ ᓈᓚᒍᓐᓇᖅᑕᕗᑦ. ᐅᑯᐊ ᒪᒃᐱᖅᑐᒐᐃᑦ ᐃᓱᐊᓂ ᓇᓂᓂᐊᖅᑕᑎᑦ ᖃᓄᖅ ᐅᖃᕐᕕᐅᔪᓐᓇᕐᒪᖔᑦᑕ.
ᐃᒪᐃᓕᐅᕈᓐᓇᓐᖏᑦᑐᒍᑦ:
-
ᒐᕙᒪᒃᑯᓐᓅᓃᖓᔪᓂᒃ ᑐᓴᐅᒪᔾᔪᑎᓂᒃ ᑐᓂᓯᔪᓐᓇᓐᖏᑦᑐᒍᑦ.
-
ᑲᓇᑕᐅᑉ ᒐᕙᒪᒃᑯᖏᓐᓅᖓᔪᓂᒃ ᐅᖃᐱᓘᑎᓂᒃ ᕿᒥᕐᕈᓇᒍᓐᓇᓐᖏᑦᑐᒍᑦ, ᕼᐋᒻᓚᒃᑯᓐᓅᖓᔪᓂᒃ, ᐅᕝᕙᓘᓐᓃᑦ ᓇᖕᒥᓂᕆᔭᐅᔫᑉ ᑲᑉᐸᓂᐅᔪᓅᖓᔪᓂᒃ. ᓄᓇᕗᑦ ᒐᕙᒪᒃᑯᑐᐊᖅ ᑕᐃᒪᐃᑎᑦᑎᔪᓐᓇᖅᑐᑦ.
-
ᑲᓇᑕᐅᑉ ᒐᕙᒪᒃᑯᖏᓐᓅᖓᔪᓂᒃ ᐅᖃᐱᓘᑎᓂᒃ ᕿᒥᕐᕈᓇᒍᓐᓇᓐᖏᑦᑐᒍᑦ, ᕼᐋᒻᓚᒃᑯᓐᓅᖓᔪᓂᒃ, ᐅᕝᕙᓘᓐᓃᑦ ᓇᖕᒥᓂᕆᔭᐅᔫᑉ ᑲᑉᐸᓂᐅᔪᓅᖓᔪᓂᒃ
-
ᓄᓇᕗᑦ ᒐᕙᒪᒃᑯᑦ ᐃᓱᒪᖅᓱᖅᐳᑦ ᒪᓕᒍᒪᖕᒪᖔᕐᒥ ᒪᓕᒍᒪᓐᖏᒻᒪᖔᖏᓪᓘᓐᓃᑦ ᐊᑐᓕᖁᔭᓕᐊᑦᑎᓐᓂᒃ.
ᑭᓇᑐᐃᓐᓇᕐᒥᒃ ᐊᑭᒋᐊᕈᓐᓇᓐᖏᑦᑐᒍᑦ. ᓄᓇᕗᑦ ᒐᕙᒪᒃᑯᑐᐊᖅ ᐃᓂᖅᑎᕆᔪᓐᓇᖅᑐᑦ ᐃᖅᑲᓇᐃᔭᖅᑎᒥᖕᓂᒃ.
ᐃᖅᑲᖅᑐᐃᕖᑦ ᑭᓯᐊᓂ ᓯᖁᒥᑦᑎᔪᓂᒃ ᐊᑭᓖᑎᑦᑎᔪᓐᓇᖅᑐᑦ ᐊᑭᓕᖅᑕᐅᑎᑦᑎᔪᓐᓇᖅᑐᓪᓗ.